535 – 1000
Hringbraut , 101 Reykjavík
39.900.000 Kr.
Fjölbýli
3 herb.
88 m2
Stofur
2
Svefnherbergi
1
Baðherbergi
1
Inngangur
Sameig.
Byggingaár
1942
Lyfta
Nei
Fasteignamat
35.000.000 Kr.
Brunabótamat
21.900.000 Kr.

STAKFELL fasteignasala kynnir í einkasölu: Afar smekkleg mikið endurnýjuð samtals 88,9 fermetra þriggja herbergja íbúð á 1.hæð í nýlega endurnýjuðu húsi í gamla Vesturbænum. Mjög skemmtilegar samliggjandi stofur með gluggum til suðurs og svölum. Arinn er í setustofu. Svefnherbergi með stórum fataskáp, nýlega uppgert baðherbergi, eldhús með nýlegri mjög smekklegri innréttingu. Falleg gólfefni á allri íbúðinni. Hús uppgert að utan og flestir gluggar nýir. Einstaklega falleg íbúð í flottu eldra húsi.

Allar upplýsingar veitir Ólafur H. Guðgeirsson, MBA, lgfs., í síma 663-2508 eða olafur@stakfell.is

Gengið er inn í hol íbúðarinnar um nýlega eldvarnarhurð, en mjög smekklegar svartar og hvítar flísar eru á gólfi í holi og eldhúsi. Úr holi er gengið í önnur rými íbúðarinnar.

Til hægri úr holi eru tvær samliggjandi stofur, setustofa og borðstofa með rennihurðum á milli. Gler er í rennihurðunum. Báðar stofur er rúmgóðar og bjartar með parketi á gólfum og stórum gluggum til suðurs. Svalir eru útfrá borðstofu en í setustofu er arinn.  Til vinstri úr holi er eldhús sem hefur verið opnað út í holið og sett upp mjög falleg innrétting með viðarborðplötum, flísum á milli skápa og góðu vinnuplássi. Eldhústæki eru sömuleiðis nýleg. Bæði hol og eldhús eru björt og skemmtileg, eins og önnur rými íbúðarinnar. Við hlið eldhúss er svefnherbergi með parketi á gólfi og nýlegum fataskáp.
Baðherbergi hefur verið endurnýjað með vönduðum hætti. Veggir og gólf er flísalagt, vönduð sturta með glerskilrúmi, fallegar innréttingar og vegghengt salerni með innbyggðum vatnskassa. Handklæðaofn er á vegg og er hiti leiddur úr ofninum og í gólf baðherbergisins.

Ofnar og ofnalagnir hafa verið endurnýjaðar. Neysluvatnslagnir hafa verið endurnýjaðar og skólp var endurnýjað síðstliðið sumar. Raflagnir í íbúðinni hafa verið endurnýjaðar, síðasti hluti þess 2009 þegar eldhúsið var endunýjað ásamt raflögnum í eldhúsi.

Í kjallara eru sameiginlegt þvottahús og hjólageymsla ásamt dyrum út á baklóð. Á baklóðinni er hellulögð verönd með hita í stétt og tröppum. Skjólsælt er garðmegin við húsið og nýtist veröndin þess vegna vel. Læst hlið er af baklóð út á lóðina hringbrautarmegin. Í kjallara er einnig 18 fermetra sérgeymsla með gluggum sem auðveldlega má nýta sem frístundarými.

Að utan hefur húsið verið endurnýjað að mestu leiti. Gluggar sunnan á húsinu hafa verið endurnýjaðir, þak yfirfarið og húsið steinað. Húsið lítur mjög vel út.

Sérlega falleg og vel um gengin íbúð, sem fengið hefur mjög gott viðhald, á þessum vinsæla stað, nærri miðbænum og KR-vellinum, Grandinn í göngufæri með fjölda veitingastaða og stutt í útivist á Nesinu. 
 
Kostnaður kaupanda af kaupum:
1. Stimpilgjald af kaupsamningi er fyrir einstaklinga 0,8% af heildarfasteignamati eignar. Sé um fyrstu kaup að ræða er stimpilgjald af kaupsamningi 0,4% af heildarfasteignamati.
2. Stimpilgjald af kaupsamningi fyrir lögaðila er 1,6% af heildarfasteignamati eignar.
3. Þinglýsingargjald af kaupsamningi, afsali, veðskuldabréfi, veðleyfi og mögulega fleiri skjölum. - kr. 2.000 af hverju skjali.
4. Lántökugjald lánastofnunar - samanber gjaldskrá viðkomandi lánastofnunar.
5. Umsýslugjald til fasteignasölu samkvæmt kaupendasamningi.
6. Annar kostnaður við skjalagerð,  t.d. skilyrt veðleyfi, kr: 15.000.- auk vsk hvert skjal.
 

Stakfell fasteignasala bendir fasteignakaupendum á ríka skoðunarskyldu kaupenda sem kveðið er á í lögum um fasteignakaup nr.40/2002. Sömuleiðis er bent á upplýsingaskyldu seljanda samanber 26.gr. Laga nr.40/2002 um fasteignakaup og 25.gr. laga nr.26/1994 um fjöleignarhús. Kaupanda er bent á að nýta sér þjónustu fagmanna við skoðun fasteigna.

Fasteignasalan Stakfell | Borgartún 30 | 105 Reykjavík | Sími 535 1000 | www.stakfell.is





 

Senda fyrirspurn um eignina